“ფეისბუქზე” ვრცელდება იურისტთა კონკრეტული რჩევები იმ აქტივისტებისთვის, რომლებიც საპროტესტო აქციებზე დააკავეს და პოლიციაში გადაიყვანეს.
იურისტები სამოქალაქო აქტივისტებს ურჩევენ, მშვიდად და წონასწორობის დაკარგვის გარეშე, ერთი და იგივე პასუხები გასცენ პოლიციელს, რომელიც დაკავების ოქმს ადგენს:
“როგორც არ უნდა გვექცეოდნენ პოლიციელები, ვინარჩუნებთ სიმშვიდეს და თავაზიანობას, ჩვენ არ ვებრძვით რიგით პოლიციელებს, ჩვენ ვებრძვით სისტემას.
პოლიციელის შეკითხვებზე პასუხებია:
-დაკავებულის სახელი და გვარი?
-გადაიყვანეთ მიხეილ სააკაშვილი სამოქალაქო კლინიკაში!
-დაბადების თარიღი?
-გადაიყვანეთ მიხეილ სააკაშვილი სამოქალაქო კლინიკაში!
სხვა, ნებისმიერ კითხვაზე გაქვთ იგივე პასუხი:
-გადაიყვანეთ მიხეილ სააკაშვილი სამოქალაქო კლინიკაში!
ითხოვთ ადვოკატს და სამედიცინო შემოწმებას. აღნიშნულს შენიშვნის სახით აფიქსირებთ ოქმში” – წერენ იურისტები “ფეისბუქზე”.
შეგახსენებთ, დღეს, სხვადასხვა სახელმწიფო დაწესებულებასთან გამართული აქციის დროს 46 პირი დააკავეს. დაკავებულთა შორის არიან თენგიზ გუნავა, ბადრი შუბლაძე, რომეო ფარულავა, ბორის ჩელე ყურუა და სხვები. ანტისაოკუპაციო მოძრაობა “ძალა ერთობაშიას” ლიდერის დავით ქაცარავას ინფორმაციით, დაკავებული არიან ასევე მოძრაობის წევრები ვაჟა ცეცაძე და შუქრი ბურჭულაძე.