შოთა მესხიას ზუგდიდის სახელმწიფო სასწავლო უნივერსიტეტში დღეს პროფესიული საგანმანათლებლო პროგრამების პირველკურსელი სტუდენტებისთვის სწავლის პროცესი დაიწყო.
შეხვედრა უნივერსიტეტტის ღია სივრცეში გაიმართა, სადაც სტუდენტებს ახალი სასწავლო წლის დაწყება უნივერსიტეტის რექტორმა თეონა ხუფენიამ მიულოცა. სტუდენტებმა მიიღეს ინფორმაცია სასწავლო უნივერსიტეტის მისიაზე, შინაგანაწესზე, ეთიკის კოდექსზე, სტუდენტთა უფლება-მოვალეობებზე, სასწავლო პროცესის მარეგულირებელ წესებსა და სხვა აუცილებელ საკითხებზე.
ქვეყანაში შექმნილი ეპიდვითარებიდან გამომდინარე პროფესიულ საგანმანათლებლო პროგრამებზე სწავლის პროცესი ჰიბრიდული მეთოდით განხორციელდება, რაც იმას ნიშნავს, რომ თეორიული სწავლების ნაწილში სტუდენტები გააგრძელებენ სწავლებას დისტანციურ რეჟიმში, ხოლო პრაქტიკული კომპონენტებისა და სწავლის შედეგების შესასრულებლად გამოცხადდებიან სასწავლო უნივერსიტეტის ბაზაზე ან/და პრაქტიკის ობიექტზე. უნივერსიტეტი უზრუნველყოფს ჯანდაცვის რეკომენდაციით გათვალისწინებული რეგულაციების დაცვას.
შოთა მესხიას ზუგდიდის სახელმწიფო სასწავლო უნივერსიტეტი ზუგდიდის ბაზაზე 18 პროფესიულ პროგრამას ახორციელებს, სენაკის ბაზაზე კი – 14-ს.