შსს ცდილობს მიაჩუმათოს სკანდალი, რომელიც გუშინ საკრებულოში მის მიერ შეტანილი აპარატურის აღმოჩენას მოჰყვა

0
317

შინაგან საქმეთა სამინისტროში აცხადებენ, რომ ტექნიკა, რომელიც თბილისის საკრებულოში იყო, არის მოძრავი რეპიტერი, რომელიც აძლიერებს, როგორც რადიოსიგნალის მექანიზმს, ასევე, ფიჭურ მობილურ კავშირს. უწყებაში ამბობენ, რომ ის გამოიყენება საპოლიციო დანაყოფებს შორის გამართული მუშაობისთვის.

“აღნიშნული ტექნიკის მობილიზება ხდება ყველა იმ შემთხვევაში, სადაც შესაძლოა, გახდეს საჭირო მასების მართვა და შეუფერხებელი კომუნიკაციის დამყარება საპოლიციო დანაყოფებს შორის, როგორც რადიოსადგურის, ასევე, მობილური კავშირის მეშვეობით”, – ვკითხულობთ უწყების განცხადებაში.

ცნობისთვის, საკრებულოს შენობაში ტექნიკა გუშინ აქტივისტებმა და “ნაციონალური მოძრაობის” წარმომადგენლებმა იპოვეს.

ერთიანი ნაციონალური მოძრაობიდან თბილისის საკრებულოს წევრმა, ლილე ლიპარტელიანმა განაცხადა, რომ აქციაზე საკრებულოში სიგნალის ჩამხშობი აპარატურა იდგა. ენმ-ს კიდევ ერთი წევრის, ირაკლი ნადირაძის თქმით, დადასტურებულად იციან, რომ ერთ-ერთი მოწყობილობა ინტერნეტის სიგნალს ახშობდა აქციაზე

.აქციის მიმდინარეობისას “მთავარი არხის” აპარატურას სიგნალის გადაცემა უჭირდა, რაც სავარაუდოდ, სწორედ, საკრებულოში მოთავსებულ აპარატურას უკავშირდებოდა.

 

წინა სტატია,,პროდასავლელი პრეზიდენტი ციხეშია, უკვე 2 კვირაა საქართველოში მისი მხარდასაჭერი აქციები იმართება” – გერმანული გამოცემა Tagesschau
შემდეგი სტატიაპოლონეთის სეიმმა სააკაშვილის გათავისუფლებისთვის ზომების მისაღებად ევროპის საბჭოს მიმართა
ტელეკომპანია ოდიშის საინფორმაციო სამსახური