“მთავარი არხი” თავის წყაროებზე დაყრდნობით ავრცელებს ინფორმაციას, რომ, მათ შორის რომან შამათავა, რუსთავის მე-12 დაწესებულებაში მიხეილ სააკაშვილის მიმართ სოლიდარობის ნიშნად შიმშილობის აქციას იწყებენ. თუმცა, ისინი ვერ ახერხებენ კონტაქტს ვერც ოჯახთან და ვერც მედიასთან, რადგან ციხის ადმინისტრაცია ზარის განხორციელების უფლებას არ აძლევთ.
საქართველოს მესამე პრეზიდენტი ციხეში უკვე მე-14 დღეა შიმშილობს. მიხეილ სააკაშვილის გათავისუფლების მოთხოვნით დღეს, 18:00 საათზე, თავისუფლების მოედანზე მასშტაბური საპროტესტო აქცია გაიმართა.