14 ოქტომბერს „ერთიანი ნაციონალური მოძრაობა“ თბილისში ფართომასშტაბიან აქციას გეგმავს. როგორც პარლამენტის წევრმა და პარტიის ზუგდიდის ორგანიზაციის თავმჯდომარე ანა წითლიძემ განაცხადა, თბილისში წამსვლელების უპრეცენდენტო რაოდენობაა რეგისტრირებული, ასევე მისი თქმით, არიან ადამიანები, რომლებმაც გამოთქვეს სურვილი, რომ თავიანთი ტრანსპორტით მოემსახურებიან წასვლის მსურველებს. აქცია თავისუფლების მოედანზე 18:00 საათზე გაიმართება, სადაც მთავარი მოთხოვნა საქართველოს მესამე პრეზიდენტის მიხეილ სააკაშვილის გათავისუფლების მოთხოვნა იქნება.