მთავარისიახლეებისპორტიმკლავჭიდელების აქცია წულუკიანის სამინისტროსთან - გაგვცეს პასუხი, რატომ არ მიდის...

მკლავჭიდელების აქცია წულუკიანის სამინისტროსთან – გაგვცეს პასუხი, რატომ არ მიდის მკლავჭიდის გუნდი ევროპისა და მსოფლიოს ჩემპიონატზე?

Published on

მკლავჭიდელები კულტურის, სპორტისა და ახალგაზრდობის სამინისტროსთან აქციას მართავენ. სპორტსმენები აცხადებენ, რომ სპორტი პოლიტიკურ ინტერესებს ეჭიდება. ისინი აკრიტიკებენ ფედერაციის ხელმძღვანელ, სოსო ჯაჭვლიანსაც.

სექტემბრის ბოლოს ცნობილი გახდა, რომ საქართველოს მკლავჭიდის ეროვნულ ფედერაცია საერთაშორისო ღონისძიებებიდან დისკვალიფიცირებულია. ამას ემატება ჯარიმაც.

მკლავჭიდის მსოფლიო ფედერაციის განმარტებით, გადაწყვეტილება მსოფლიო კონტრაქტის “სერიოზული” დარღვევის გამო მიიღეს, რადგანაც საქართველომ ვერ მოახერხა 2021 წელს მკლავჭიდში მსოფლიო ჩემპიონატის მოწყობა, შეცდომაში შეიყვანა WAF-ის ხელმძღვანელობა და მისი წევრები. ჩემპიონატი 19-27 სექტემბერს ბათუმში უნდა გამართულიყო. როგორც განცხადებაშია აღნიშნული, საქართველოს მკლავჭიდის ეროვნული ფედერაცია ვერ მიიღებს მონაწილეობას ვერც ერთ საერთაშორისო ღონისძიებებში, რომელსაც WAF აორგანიზებს, როგორც ევროპის ისე მსოფლიო დონეზე.

მკლავჭიდელები ითხოვენ, მინისტრთან შეხვედრას, რათა მიიღონ პასუხები, თუ რატომ ვერ ჩატარდა საქართველოში მსოფლიო ჩემპიონატი და რატომ ვერ ეძლევათ მათ საშუალება, რომ საერთაშორისო ტურნირებზე წავიდნენ.

“ათ დღეში უკვე უნდა გავფრინდეთ ევროპის ჩემპიონატზე. ჩვენი იქ არწასვლა ნიშნავს, რომ ტყვია გვესროლონ. აღარაფერი გვაქვს, ეგრე გამოდის. პარასპორტსმენებმა რა უნდა აკეთოს? ერთი ეგ საქმე იციან”, – ამბობს ერთ-ერთი სპორტსმენი ფორმულასთან.

“გვინდა მინისტრს შევხვდეთ და გაგვცეს პასუხი, რატომ არ მიდის მკლავჭიდის გუნდი ევროპისა და მსოფლიოს ჩემპიონატზე. წულუკიანმა გვითხრას უშვებს ამ გუნდს თუ არა იმიტომ, რომ ახლა ამათ წონები აქვთ დასარეგულირებელი. ორი წელი სახელმწიფო კაპიკით არ დაგვხმარებია, თავიანთი ხარჯებით ემზადებიან ეს სპორტსმენები”, – ამბობს აქციის მონაწილე.

ფედერაციის პრეზიდენტი, სოსო ჯაჭვლიანი ამბობს, რომ 2020-2021 წელს ბიუჯეტიდან ფული არ მიუღიათ, ამიტომაც თანხების მითვისებას ადგილი ვერც ექნებოდა.

“ის სპორტსმენები, ვინც ამაზე ლაპარაკობენ, ცოტა ღრმად უნდა გაერკვნენ. მე რა შუაშია. სახელმწიფომ თვითონ გადაწყვიტა, რომ საქართველოში უნდა ჩატარებულიყო ჩემპიონატი”, – თქვა ჯაჭვლიანმა.

 

სიახლეები

საქართველოს არასამთავრობო ორგანიზაციები ერთობლივ წერილს აქვეყნებენ და საქართველოში გერმანიის ელჩს, პეტერ ფიშერს სრულ სოლიდარობას უცხადებენ

საქართველოს არასამთავრობო ორგანიზაციები ერთობლივ წერილს აქვეყნებენ და საქართველოში გერმანიის ელჩს, პეტერ ფიშერს სრულ სოლიდარობას...

შსს- დავაკავეთ პირი, რომელმაც 2023 წელს მოქალაქე დაჭრა და ადგილიდან მიიმალა

შსს-ს ინფორმაციით, განზრახ მკვლელობის მცდელობის ბრალდებით ძებნილი 2000 წელს დაბადებული ნ.ქ. დააკავეს. ბრალდებულმა ნ.ქ.-მ...

ზურაბიშვილი- ახალი შიშის დასანერგად ოცნება 90-იანი წლების სცენარს ეთამაშება

რეჟიმი ავითარებს კლასიკურ (რუსულ) სცენარს - პროვოკაცია, დაძაბულობა, მიზანმიმართული სტრატეგია დაპირისპირების გამოსაწვევად. ომის შიშის დანერგვის...

ბიძინა ივანიშვილის ადვოკატის განცხადება ამჯერად “მართულ საერთაშორისო მედიას” ეხება

ქართული ოცნების“ საპატიო თავმჯდომარის, ბიძინა ივანიშვილის ადვოკატი, თემო წიქვაძე განცხადებას ავრცელებს: „მსურს საზოგადოებას მივაწოდო ინფორმაცია დაზარალებული ბიძინა...