“მესმის თქვენი ხმა საკანში, მადლობა ყველას, ბრძოლა გამარჯვებამდე!” – წერია მიხეილ სააკაშვილის წერილში, რომელიც მან სასჯელაღსრულების რუსთავის მე-12 დაწესებულებასთან შეკრებილ მხარდამჭერებს გამოუგზავნა. წერილი მედიის წინაშე ხატია დეკანოიძემ გაასაჯაროვა.

“ის მხნედ არის, დამაბარა მადლობა ყველასთან, შიმშილობას აგრძელებს და ჩემთან საუბრის შემდეგაც სამედიცინო დაწესებულებაში გადაიყვანეს, მეთვალყურეობის ქვეშაა”, – განაცხადა ხატია დეკანოიძემ. ~

“არ ვიცი, აქვს თუ არა ტელევიზორი მიშას, მაგრამ მარტივად ეცოდინება, აქ რა ხდება, რადგან საკანში ჩვეულებრივად შემოდის ეს ხმები და გამოსვლების შინაარსის გაგებაც შეგიძლია”, – თქვა ნიკა მელიამ, რომელიც ამავე ციხეში იმყოფებოდა მას შემდეგ, რაც 23 თებერვალს ენმ-ის ოფისში აიყვანეს.

შეგახსენებთ, რუსთავის ციხესთან შეკრებილები იქ ავტოკოლონებით მოვიდნენ. ადგილზე არიან ენმ-ის მხარდამჭერები, პოლიტიკური ლიდერები და სამოქალაქო სექტორის წარმომადგენლები.

“თავისუფლება მიშას!” – რუსთავის ციხესთან აქცია მიმდინარეობს (განახლებადი)