საქართველოს მესამე პრეზიდენტი მიხეილ სააკაშვილი, რომელიც საქართველოში 1 ოქტომბერს შემოვიდა და იმ დღესვე დააკავეს, “ფეისბუქზე” აქვეყნებს “იფსოს-გლობალის” კვლევის შედეგებს და წერს, რომ ახლა მოპოვებული ხმებია დასაცავი.

“თბილისი! ახლა დათვლაში ხმები უნდა დავიცვათ!“, – დაწერა მიხეილ სააკაშვილმა და “იფსოსის” ეგზიტპოლის შედეგები გააზიარა.

შეგახსენებთ, “იფსოს გლობალის” ეგზიტპოლის შედეგების მიხედვით, რომელიც თბილისში არსებულ მდგომარეობას ასახავს 17:00 საათისთვის, ნიკა მელიას 40,8%, ხოლო მის მთავარ კონკურენტს – კახა კალაძეს კი 40,2% აქვს მიღებული. რაც შეეხება გიორგი გახარიას, მისი მონაცემები, “იფსოსის” მიხედვით, 8,7%-ია.

რა თქმა უნდა, გაიმართება მეორე ტური – ნიკა მელიას პირველი კომენტარი