რა თქმა უნდა, გაიმართება მეორე ტური – ნიკა მელიას პირველი კომენტარი

0
367

ოპოზიციის შეთანხმებული თბილისის მერობის კანდიდატი, ენმ-ის პოლიტსაბჭოს თავმჯდომარე ნიკა მელია ეგზიტპოლის გამოქვეყნების შემდეგ პირველ კომენტარს აკეთებს და ამბობს, რომ თბილისში მეორე ტური გარდაუვალია. ამის შესახებ ნიკა მელიამ მას შემდეგ განაცხადა, რაც “იფსოსისა” და “ედისონ რისერჩის” ეგზიტპოლის შედეგები გახდა ცნობილი.

“თბილისის საკრებულო იქნება, უკვე შეგვიძლია ვთქვათ, ოპოზიციური პარტიების მიერ დამკომპლექტებული და დაინახეთ და ვნახეთ შედეგები მერის არევნების ნაწილში, აქ რა თქმა უნდა გაიმართება მეორე ტური. ახლა მთავარია ერთადერთი რამ: მომდევნო 2 საათის განმავლობაში თითოეული ხმა დავიცვათ და არ მივცეთ მანიპულაციის საშუალება ქართულ ოცნებას, – ამბობს ნიკა მელია.

შეგახსენებთ, “იფსოს გლობალის” ეგზიტპოლის შედეგების მიხედვით, რომელიც თბილისში არსებულ მდგომარეობას ასახავს 17:00 საათისთვის, ნიკა მელიას 40,8%, ხოლო მის მთავარ კონკურენტს – კახა კალაძეს კი 40,2% აქვს მიღებული. რაც შეეხება გიორგი გახარიას, მისი მონაცემები, “იფსოსის” მიხედვით, 8,7%-ია.

წინა სტატია“ოცნება”-38,6, ენმ – 33,% საქართველოსთვის – 7,6% – ეგზიტპოლის შედეგები ( IPSOS )
შემდეგი სტატიაახლა დათვლაში ხმები უნდა დავიცვათ! – მიხეილ სააკაშვილი
ტელეკომპანია ოდიშის საინფორმაციო სამსახური