ნათია მეზვრიშვილის აზრით, მიხეილ სააკაშვილს არ აქვს გამბედაობა, რომ საქართველოში ჩამოვიდეს.
მეზვრიშვილის განცხადებით, სააკაშვილს საქართველოში მართლმასჯულების წინაშე წადგომა მოუწევს. მისივე თქმით, არაა დარწმუნებული, რომ მმართველი ძალა მართლმასჯულებს აღასრულებს.
„რას ნიშნავს ჩამოვიდა, თუ ჩამოვიდა სად არის, ოცნებამ ჩამოიყვანა მიხეილ სააკაშვილი საქართველოში?! თუ მართლა ჩამოვიდა, ალბათ, ოცნების რომელიმე წარმომადგენელს ახლა ჰყავს შეფარებული და ალბათ ამიტომ არ გვენახება. არასერიოზულია ეს ყველაფერი, პირდაპირ გეტყვით. მე არ მგონია, რომ მას ჰქონდეს იმის გამბედაობა, რომ საქართველოში მართლა ჩამოვიდეს, იმიტომ, რომ მას ელოდება მართლმსაჯულების წინაშე წარდგომა. არც იმაში ვარ დარწმუნებული, რომ “ოცნება” გაბედავს მართლმსაჯულებას მისი მისამართით [აღასრულებს], თუ ის მართლა ჩამოვიდა ან ჩამოვა, მთლიანად პასუხისმგებლობა “ოცნებას” ეკისრება”, – ამბობს ნათია მეზვრიშვილი.
მიხეილ სააკაშვილმა ფეისბუკზე დაპოსტა, რომ უკვე საქართველოშია. ცოტა ხანში კი ორი ვიდეომიმართვა გაავრცელა – სააკაშვილი ამბობს, რომ ბათუმშია.