ამომრჩევლის დაშინება და ზეწოლა _ ენმ-ის ზუგდიდის ოფისში საგანგები ბრიფინგი გაიმართა. ორგანიზაციის თავმჯდომარე ანი წითლიძემ კონკრეტული გვარები დაასახელა, რომლებიც მუშობენ ამომრჩევლებთან და სხვადასხვა ხერხებით პირადობებს ართმევენ:
დავით დავითულიანი – ქართული ოცნების შტაბის არაფორმალური ხელმძღვანელი
ლევან კაკავა – შემოსავლების სამსახურის უფროსი.
ტატო კიტია – კომბინატის პოლიციის უფროსი
რობერტ ჭეჟია – პოლიციელი.
ერთიან ნაციონალურ მოძრაობას „ქართული ოცნების” ზუგდიდის შტაბში უპასუხეს, საკრებულოს წევრის ირაკლი ლაგვილავას თქმით, ის, რაც ბრიფინგზე ითქვა, სრული სიცრუეა და ნაციონალური მოძრაობა ემზადება არა 2 ოქტომბრის არჩევნებისთვის, არამედ 3 ოქტომბრისთვის, რადგან ლაგვილავას თქმით, მათ იციან რომ არჩევნები წაგებული აქვთ.
ნაციონალური მოძრაობის ზუგდიდის ორგანიზაციის თავმჯდომარის თქმით, მათ ყველა მტკიცებულება აქვთ კონკრეტული მოსყიდვისა და ზეწოლის ფაქტზე, რომელსაც ეუთო ოდირის სადამკვირვებლო მისიას გადასცემენ.