პროდუქტებზე, მედიკამენტებზე და სხვა სახის პირველადი საჭიროების საშუალებებზე ფასები რადიკალურად გაიზარდა. ქვეყანაში არსებულ ეკონომიკურ კრიზისს ხელისუფლება პანდემიით ხსნის .
როგორც ადგილობრივები ჩვენთან საუბარისას განმარტავენ, წინა წლებთან შედარებით ფასები საგრძნობლადაა გაზრდილი, როგორც სურსათზე, ასევე მედიკამენტებზე და სხვა პირველადი მოხმარების საგნებზე. ისინი ვერ ახერხებენ მათთვის საჭირო ელემენტარული საკვები პროდუქტების შეძენას და ამბობენ , რომ მომატებული ფასების და მინიმალური შემოსავლის გამო ცხოვრება დღითიდღე გაუსაძლისი ხდება . ფასების ზრდას აპროტესტებენ როგორც მოვაჭრეები ასევე მომხმარებლებიც.
ყველაზე მძიმე სოციალური წნეხის ქვეშ პენსიონერები იმყოფებიან, ის თანხა რასაც ისინი ყოველთვიურად სახელმწიფოსგან იღებენ , მათთვის საჭირო მედიკამენტებისთვისაც კი არ არის საკმარისი.
საქართველოს სტატისტიკის ეროვნული სამსახურის მონაცემებით, საქართველოში ფასების საერთო დონე საშუალოდ 7.2%-ით გაიზარდა, ერთი წლის განმავლობაში ფასები ყველაზე მეტად გაიზარდა: ჯანდაცვაზე, მედიკამენტებზე, ტრანსპორტზე, სურსათსა და უალკოჰოლო სასმელებზე.