ვინ ახდენს ზეწოლას ენმ-ის მხარდამჭერზე? – ანი წითლიძე კონკრეტულ გვარებს ასახელებს [Video]

0
420

ნაციონალური მოძრაობის ზუგდიდის ოფისი საკუთარ მხარდამჭერზე ზეწოლაში „ქართულ ოცნებას“ ადანაშაულებს. ორგანიზაციის თავმჯდომარის ანი წითლიძის თქმით, საუბარია ყულიშკარში მცხოვრებ რევაზ გვილიაზე, რომელმაც რამდენიმე დღის წინ სოციალურ ქსელში სტატუსი დაწერა, რომ პარტიას ტოვებდა, მიზეზად კი ნაციონალური მოძრაობის გახარიასთან კავშირს ასახელებდა. ინფორმაცია სააგენტოებმაც გაავრცელეს. ანი წითლიძე აცხადებს, რომ რევაზ გვილიას ქართული ოცნებიდან დაუკავშირდნენ და მასზე კომპრომატების არსებობის შესახებ მიაწოდეს ინფორმაცია, რომელიც წლების წინ რუსეთში მყოფი გვილიას საბანკო ვალებს უკავშირდება. წითლიძე კონკრეტულ გვარებს ასახელებს, მათ შორის არიან მმართველი გუნდის მერობის კანდიდატი მამუკა წოწერია და ყოფილი დეპუტატი მერაბ ქვარაია.
ნაციონალური მოძრაობა მიმართავს პროკურატურას, დაინტერესდეს ფაქტით და დაიწყოს გამოძიება, რადგან ანი წითლიძის თქმით, ეს სისხლის სამართლის დანაშაულია.
რაც შეეხება რევაზ გვილიას, მას მეედიასთან კომუნიკაცია არ სურს. ქართული ოცნების შტაბში კი ნაციონალური მოძრაობის ბრალდებებს აბსურდულს უწოდებენ და აცხადებენ რომ ამ თემაზე კომენტარს არ აკეთბენ.

წინა სტატია,,სასაცილოა – წერენ თავიანთ დახურულ კაბინეტებში კვლევებს და შემდეგ ატარებენ პრეზენტაციებს” – ნიკა მელია ოცნების კვლევაზე
შემდეგი სტატიაენმ-ის მხარდამჭერი რევაზ გვილია ზეწოლაზე საჯაროდ ალაპარაკდა [Video]
ტელეკომპანია ოდიშის საინფორმაციო სამსახური