ნაციონალური მოძრაობის მხარდამჭერი რევაზ გვილია საჯაროდ ალაპარაკდა, მან ნაციონალური მოძრაობის ზუგდიდის ორგანიზაციაში ჟურნალისტებთან სპეციალურ ბრიფინგზე ყველა ის დეტალი მოყვა, რაც მასზე ზეწოლას უკვშირდება. საქმე ეხება რევაზ გვილიას ფეისბუკ-პოსტს, რომელიც მის გვერდზე 9 სექტემბერს გამოქვეყნდა, სადაც ეწერა რომ ის პარტიას ტოვებდა, რადგან ნაციონალურ მოძრაობას გახარიასთან ალიანსში ამხელდა. გვილიას თქმით, ეს პოსტი მას არ დაუწერია, რადგან სტატუსების წერა სოციალურ ქსელში არ იცის, როგორც თვითონ ამბობს, მას „ქართული ოცნების“ წევრებთან შეხვედრისას ტელეფონი გამოართვეს და სავარაუდოდ პოსტიც სხვებმა დაწერეს.
რევაზ გვილია სამართლებრივ დავას აპირებს, მისი თქმით, ის პროკურატურას მიმართავს და საქმის გამოძიებას ითხოვს. ფაქტზე კომენტარი გააკეთა პარლამენტის წევრმა დევი ჭანკოტაძემ, რომელმაც მოუწოდა შესაბამის უწყებებს დროულად დაიწყონ საქმის გამძიება, რადგან მომხდარი სისხლის სამართლის დანაშაულს შეიცავს.
ოპოზიციურ პარტიაში აცხადებენ, რომ ეს არ არის მმართველი პარტიიდან დაშინებისა და მუქარის პირველი მცდელობა, არამედ მათ მხარდამჭერებსა და კანდიდატებზე ზეწოლა ინტენსიურად ხორციელდება