შანაე ბრუკის მკვლელობის ბრალდებით დაკავებული რაფაელ მურსაკულოვი დუმილის უფლებას იყენებს

0
260

შანაე ბრუკის მკვლელობის ბრალდებით დაკავებული რაფაელ მურსაკულოვის ადვოკატი ამბობს, რომ მისი დაცვის ქვეშ მყოფი  დუმილის უფლებას იყენებს, დანაშაულს უარყოფს და ამბობს, რომ ქალს არ იცნობდა.

“მე გუშინ შევხვდი, გავესაუბრე, რაც შეეხება აღიარებას – იგი არ აღიარებს და უარყოფს მასთან ნაცნობობას და შეხვედრაზე ხომ ზედმეტია საუბარი. ის დუმილს იყენებს, ოფიციალურად ბრალი ჯერ არ წარდგენია. არ იცნობდა, არანაირი შეხება მაგ ქალბატონთან მას არ ჰქონია”. – ამბობს ადვოკატი.

შანაე ბრუკის მკვლელობის ბრალდებით საქართველოს მოქალაქე, 33 წლის რაფაელ მურსაკულოვი გუშინ, 8 სექტემბერს დააკავეს.

მურსაკულოვი თბილისში, გოგებაშვილის ქუჩაზე ცხოვრობდა. გამოძიების ფარგლებში მისი სახლიდან ტანსაცმელი და სხვა ნივთები ამოიღეს.

33 წლის ბრალ­დე­ბუ­ლს Facebook გვერდზე  სა­მუ­შაო ად­გი­ლად ქარ­თუ­ლი ოც­ნე­ბა აქვს მი­თი­თე­ბუ­ლი – ის მთაწმინდის საოლქო საარჩევნო კომისიის წევრი იყო, თუმცა, 23 აგვისტოს, შემთხვევიდან 3 კვირის შემდეგ, პირადი განცხადების საფუძველზე მოითხოვა გათავისუფლება. ქართულ ოცნებასთან კავშირს მის Facebook გვერდზე გავრცელებული ფოტოებიც მოწმობს.

ერთ-ერთ ფოტოში ის ქართული ოცნების დეპუტატთან, ირაკლი ზარქუასთან ერთად იმყოფება. ამასთან დაკავშირებით ზარქუა ამბობს, რომ არაირი მნიშვნელობა არ აქვს პარტიულ კუთვნილებას და დამნაშავე კანონმდებლობით გასამართლდება.

ამჟამად, ბრალდებულის გვერდი Facebook-ზე აღარ იძებნება.

წინა სტატია.,,საქართველოს ტრაექტორია ნამდვილად არ აღიქმება, როგორც ევროკავშირისკენ მიმავალი. ეს არსაითკენ სვლაა.” – მარკეტა გრეგოროვა
შემდეგი სტატიაწალენჯიხაში ენმ-სა და “საქართველოსთვის” წევრებმა საკუთარი კანდიდატურა მოხსნეს [Video]
ტელეკომპანია ოდიშის საინფორმაციო სამსახური