მთავარისიახლეებიპოლიტიკაამერიკელი კონგრესმენები საქართველოში შეხვედრებს დღეიდან დაიწყებენ

ამერიკელი კონგრესმენები საქართველოში შეხვედრებს დღეიდან დაიწყებენ

Published on

საქართველოს ამერიკის შეერთებული შტატების კონგრესის დელეგაცია სტუმრობს. ვიზიტის ფარგლებში, დელეგაციის წევრები შეხვედრებს გამართავენ საქართველოს ხელისუფლების წარმომადგენლებთან, კერძოდ, პრემიერ-მინისტრ ირაკლი ღარიბაშვილთან, ვიცე-პრემიერთან, საგარეო საქმეთა მინისტრ დავით ზალკალიანთან, საქართველოს თავდაცვის მინისტრ ჯუანშერ ბურჭულაძესთან და ეკონომიკისა და მდგრადი განვითარების მინისტრ ნათია თურნავასთან. გაიმართება შეხვედრა საქართველოს პარლამენტშიც. ვიზიტის ფარგლებში, კონგრესმენები ასევე მოინახულებენ საოკუპაციო ხაზს.

შეხვედრების დროს მთავარი განსახილველი თემები ორ ქვეყანას შორის სტრატეგიულ თანამშრომლობასა და უსაფრთხოებას შეეხება. დელეგაციის შემადგენლობაში შედიან კონგრესმენები: ალექს ქსავიერ მუნი (დასავლეთ ვირჯინია), ბრაიან ჯორჯ სტილი (ვისკონსინი), კელი მაიკლ არმსტრონგი (ჩრდ. დაკოტა), კეროლ დევინ მილერი (დასავლეთ ვირჯინია) და რონალდ ჯინ ესტესი (კანზასი).

„ამერიკელი კონგრესმენების ვიზიტი საქართველოში არის მნიშვნელოვანი მოვლენა. განსაკუთრებით, რეგიონში და არა მხოლოდ რეგიონში მიმდინარე მოვლენების ფონზე. ჩვენ, ბუნებრივია, ამ ვიზიტს გამოვიყენებთ, რათა ამერიკელ კოლეგებთან განვიხილოთ უსაფრთხოების თემები, გამოწვევები, რომელიც დგას ჩვენი ქვეყნის წინაშე. დეტალურად განვიხილოთ ეს საკითხები. ბუნებრივია, ჩვენი საუბარი შეეხება სტრატეგიულ თანამშრომლობას ამერიკის შეერთებულ შტატებთან, რასაც უდიდესი მნიშვნელობა ენიჭება საქართველოსთვის, განსაკუთრებით დღეს მიმდინარე მოვლენების ფონზე. ჩვენთვის მნიშვნელოვანია, რომ ამერიკის შეერთებული შტატების მხრიდან ორპარტიული მხარდაჭერა, რითაც დღეს სარგებლობს ჩვენი ქვეყანა, დარჩეს ასე და გაგრძელდეს, გაღრმავდეს, გაძლიერდეს. ბუნებრივია, ჩვენი საუბრის მთავარი თემა იქნება, თუ რა გზებით შეიძლება, გავაღრმაოთ სტრატეგიული თანამშრომლობა ამერიკის შეერთებულ შტატებთან“, – განაცხადა მაკა ბოჭორიშვილმა.

ამერიკის შეერთებული შტატების კონგრესის დელეგაციის ვიზიტი დღეს დაიწყება და 9 სექტემბრამდე გაგრძელდება.

სიახლეები

გუშინ მშვიდად გეძინათ საბა ჯიქიას მიმართ გამოტანილი უსამართლო განაჩენის შემდეგ? – ნიკა კაცია მოსამართლე მჭედლიშვილს

გუშინ მშვიდად გეძინათ გამოტანილი უსამართლო განაჩენის შემდეგ? - ამ სიტყვებით მიმართა სინდისის პატიმარმა, ნიკა...

“პრაღის სამოქალაქო საზოგადოების ცენტრი” მზია ამაღლობელის დაუყოვნებლივ გათავისუფლებას მოითხოვს

"პრაღის სამოქალაქო საზოგადოების ცენტრი" მზია ამაღლობელის დაუყოვნებლივ გათავისუფლებას მოითხოვს - ჟურნალისტის მხარდამჭერ განცხადებაში ნათქვამია,...

კურსკში მოკლულია რუსი ბრიგადის მეთაური, პოლკოვნიკი სერგეი ილინი

2 ივლისს კურსკში მიმდინარე საბრძოლო მოქმედებების მსვლელობისას დაიღუპა 155-ე საზღვაო ფეხოსანთა ბრიგადის მეთაური, რუსი...

გაყინული რუსული აქტივების გამოყენებით ევროკავშირმა უკრაინას $1.2 მილიარდი გადასცა

უკრაინის პრემიერმინისტრმა დენის შმიგალმა 10 ივლისს განაცხადა, რომ უკრაინამ ევროკავშირისგან დამატებით 1 მილიარდი ევრო...