ტვ პირველის საინფორმაციო სამსახურის უფროსის, ნოდარ მელაძის განცხადებით, ტვ პირველი ვერ ახერხებს საინფორმაციო გამოშვებების ოპერირებას, რადგან ტელემაუწყებლობის ცენტრალურ სერვერზე, წინასწარი მონაცემებით, ჰაკერული თავდასხმა განხორციელდა.
“ჩვენ ვერ ვახერხებთ ახალი ამბებით ეთერში ოპერირებას. მიზეზი არის ის, რომ დღეს გამთენიისას, 4:31 წუთზე ავტომატურად გაითიშა ცენტრალური სერვერი. ახლა ჩვენ ვმუშაობთ ავარიულ რეჟიმში. ცოტა ხანში ოფიციალურად გვეცოდინება, იყო თუ არა ეს კიბერთავდასხმა, თუმცა, მოვლენების ქრონოლოგია ამის ეჭვებს აჩენს”- ამბობს ნოდარ მელაძე.