გიგი უგულავამ ფოთში ოპოზიციის მაჟორიტარობის კანდიდატები  წარადგინა.

,,ძალიან მნიშვნელოვანი გზაგასაყარია ჩვენი ქვეყნისთვის, რადგან უღებენ კარს რუსეთს, და კარს უკეტავენ ევროპას 75-მილიონიან დაფინანსებაზე უარის თქმით” – განაცხადა მან.

„პრემიერად წოდებული არსების და ოლიგარქის მარიონეტის გუშინდელი განცხადება პირდაპირი სიგნალი იყო. ეს არ იყო სახელმწიფოს მხრიდან ნათქვამი უარი კრედიტზე ან დახმარებაზე. გუშინდელი განცხადება იყო გეოპოლიტიკური არჩევანი, რომელიც ქართველი ხალხის ზურგს უკან, მათი სურვილის მიუხედავად, „ქართულმა ოცნებამ“ და მისმა ოლიგარქმა გადაწყვიტეს და თავს მოახვიეს ამ ქვეყანას.

ჩვენ ვნახეთ იმედგაცრუებული ევროპელი პარტნიორები და ჩვენი გახარებული მტრები რუსეთიდან. ისინი ღარიბაშვილის განცხადებით გახარებული იყვენ, ხოლო ჩვენი პარტნიორები შეშფოთებული, დამწუხრებული და გაკვირვებული დარჩნენ. ხელისუფლება, რომელიც პატივს არ სცემს პარტნიორებს და ელაქუცება მტრებს, ამთავრებს შემდეგნაირად – კარგავს პარტნიორებს და ბარდება მტერს. ამიტომ, 2 ოქტომბრის არჩევნები როგორც არასდროს არის რეფერენდუმი“, – აღნიშნა უგულავამ.

მისი განმარტებით, ამ რეფერენდუმით ქართველი ხალხი დაბრუნდება იქ, სადაც მისი ადგილია – დასავლური, ქრისტიანული ცივილიზაციის წიაღში.