მთავარისიახლეებისამართალიბიზნესმენ ვლადიმირ ვახანიას მკვლელობის დეტალები, ფოტოები ადგილიდან

ბიზნესმენ ვლადიმირ ვახანიას მკვლელობის დეტალები, ფოტოები ადგილიდან [Video]

Published on

განმუხურში, მისსავე კუთვნილ მშენებარე სასტუმროში, რამდენიმე საათის წინ ბიზნესმენი ვლადიმირ ვახანია მოკლეს. ამ წუთებში “ოდიშინიუსი” მკვლელობის ადგილას იმყოფება: მოკლული ბიზნესმენის სახლთან მობილიზებულია პოლიცია, გალავანი და ჭიშკარი ყვითელი ლენტითაა შემოსაზღვრული, ხოლო სახლში ექსპერტ-კრიმინალისტები მუშაობენ.

“ოდიშინიუსისთვის” ცნობილი გახდა, რომ მკვლელობა მოჰყვა შეხვედრას, რომელიც ვლადიმირ ვახანიასა და მკვლელობაში ბრალდებულ, სავარაუდოდ, ასევე ბიზნესმენს შორის, ვახანიას სასტუმროში შედგა. მხარეები ბიზნეს-წილებთან დაკავშირებით ვერ მორიგდნენ, რის შემდეგაც ვახანიასთან სტუმრად მყოფმა ბიზნესმენმა მასპინძელს, სავარაუდოდ, დანა რამდენჯერმე ჩაარტყა და მიიმალა. ვლადიმირ ვახანია მიღებული ჭრილობებისგან გარდაიცვალა.

“ოდიშინიუსის” ინფორმაციით, მკვლელობაში ბრალდებული იდენტიფიცირებულია, თუმცა, დაკავებული არ არის – მან, შესაძლოა, თავი ოკუპირებული აფხაზეთის ტერიტორიას შეაფარა, რომელიც განმუხურთან ახლოს მდებარეობს.

მკვლელობის ფაქტი დაადასტურა შსს-მ. უწყების ცნობით, გამოძიება სისხლის სამართლის კოდექსის 108-ე მუხლით დაიწყო, რაც განზრახ მკვლელობას გულისხმობს.

შეგახსენებთ, ვლადიმირ ვახანია 2012 წელს, მას შემდეგ, რაც 3,5 წლიანი სასჯელი მოიხადა, ზუგდიდის მაჟორიტარი დეპუტატობის კანდიდატი იყო.

ვლადიმირ ვახანია ქართველმა სამართალდამცავებმა 2009 წლის მარტში, ზუგდიდში, იარაღის უკანონოდ შენახვისა და ჟურნალისტისთვის პროფესიული მოვალეობის შესრულებაში ხელის შეშლის ბრალდებით დააკავეს.

სიახლეები

ჟურნალისტ ელისო კილაძეს 10-წლიანი პატიმრობა მიესაჯა

ჟურნალისტ ელისო კილაძეს 10-წლიანი პატიმრობა მიესაჯა გადაწყვეტილება თბილისის საქალაქო სასამართლოში გამოცხადდა დღევანდელ სასამართლო პროცესზე დასკვნითი სიტყვის...

უსმან ნურმაგომედოვი და მისი თანაგუნდელები აბუ-დაბის ციხიდან გაათავისუფლეს

დაღესტნელი მებრძოლი უსმან ნურმაგომედოვი და მისი გუნდის წევრები არაბთა გაერთიანებულ საამიროების ციხიდან გაათავისუფლეს, -...

ევროკავშირმა რუსეთის წინააღმდეგ სანქციები გააფართოვა

ევროკავშირმა რუსეთის წინააღმდეგ სანქციების სია გააფართოვა. ახალი შეზღუდვები 12 ფიზიკურ პირსა და 101 ორგანიზაციას...

ევროკავშირმა უკრაინისთვის €8 მილიარდის გადარიცხვა დაამტკიცა

ევროკავშირის საბჭომ Ukraine Facility-ს პროგრამის ფარგლებში კიევისთვის თითქმის 8 მილიარდი ევროს გადარიცხვა დაამტკიცა, რაც...