აფხაზეთიდან დევნილ 57 წლის ნანი კვარაცხელიას დევნილობის დასაწყისშივე უმძიმესი ტრაგედია გადახდა, მას ორი მცირეწლოვანი შვილი ავარიაში დაეღუპა.
ოჯახურ ტარგედიასთან ერთად იგი 2001 წლიდან ზუგდიდის ერთ-ერთ კომპაქტურ ცენტრში ცხოვრობს. შენობის ფიზიკური მდგომარეობა იმდენად სავალალოა, რომ იქ ქალბატონისთვის ცხოვრება დღითიდღე უფრო საშიში ხდება.
სახურავი ამორტიზებულია, წვიმისას ოთახებში წყალი ჩადის, ოთახები კი თხელი ფიცრით არის გადატიხრული, მთლიანად დაზიანებულია ფანჯრები და იატაკი. ქალბატონ ნანის არსებობისთვის ასეთ უმძიმეს პირობებში უწევს ცხოვრება, ყველაზე მეტად მას ქვეწარმავლებისა და მორიელების ოთახებში ნახვა აშინებს.
ტრაგედია გამოვლილი ქალბატონი წლებია ბინით უზრუნველყოფას ელოდება, თუმცა უშედეგოდ. მან ამ მოთხოვნით შესაბამის სამსახურებს არაერთხელ მიმართა.
მუდმივი საცხოვრებლის მოლოდინში კი გადის დღეები, თვეები ად წლები, მისი ოჯახური მდგომარეობა ჯერჯერობით, უცვლელია.