ავღანეთის პრეზიდენტმა აშრაფ ღანიმ დღეს, 14 აგვისტოს მოკლე სატელევიზიო გამოსვლაში განაცხადა, რომ არ დათმობს უკანასკნელი 20 წლის „მიღწევებს“ და რომ მიმდინარეობს „კონსულტაციები“.
ეს ღანის პირველი საჯარო გამოსვლა იყო უკანასკნელი რამდენიმე დღის განმავლობაში, მას შემდეგ, რაც დაიწყო თალიბანის ფართო მასშტაბის იერიში.
მეამბოხეებმა ხელში ჩაიგდეს ჩრდილოეთ, დასავლეთ და სამხრეთ ავღანეთის უდიდესი ნაწილები და ახლა დედაქალაქ ქაბულის სამხრეთით იბრძვიან სამთავრობო ჯარების წინააღმდეგ.
გეგმის მიხედვით, ავღანეთიდან აშშ-ის ჯარების გაყვანა 31 აგვისტოსთვის უნდა დასრულდეს, რაც ბადებს ეჭვებს, შეძლებს თუ არა ხელისუფლების შენარჩუნებას ღანის მთავრობა, რომელსაც დასავლეთი უჭერს მხარს.