საქართველოს მასშტაბით კოვიდინფიცირებულ პაციენტთა შორის ბავშვების წილი 10%-ს შეადგენს. ამის შესახებ “მთავარი არხი” ჯანდაცვის ექსპერტებზე დაყრდნობით ავრცელებს ინფორმაციას.
“თუ ავიღებთ ინფიცირებულთა საერთო რაოდენობას, რომელმაც 5.000-ს გადააჭარბა, უნდა გავითვალისწინოთ, რომ აქედან მინიმუმ, 500 ბავშვია”, – ამბობენ ჯანდაცვის ექსპერტები და ხაზს უსვამენ, რომ იმისთვის, რათა ჯანდაცვის სექტორმა დატვირთვას გაუძლოს და არ გახდეს საჭირო საველე ჰოსპიტლების მოწყობა, ყველა რეგულაცია ზედმიწევნით უნდა შესრულდეს.
შეგახსენებთ, ასევე “მთავარი არხის” ინფორმაციით, ხელისუფლება განიხილავს საველე ჰოსპიტლის სპორტის სასახლეში გამართვის შესაძლებლობას.