100.000 მოსახლეზე გაანგარიშებით, ბოლო ერთი კვირის განმავლობაში საქართველო მსოფლიოში პირველ ადგილზეა კორონავირუსის გავრცელების მაჩვენებლით – ასე გამოიყურება “ნიუ იორკ თაიმსის” კოვიდრუკაზე მონაცემები, რომელიც რეგულარულად ახლდება. ამასთან, ბოლო ორი კვირის განმავლოპბაში, კორონავირუსის გავრცელების მაჩვენებელი 68%-ით გაიზარდა.

ეს ბოლო მონაცემი არ არის, რომელიც ამ გადმოსახედიდან, საკმაოდ შემაშფოთებლად გამოიყურება: 10 აგვისტოს, კორონავირუსით 24 საათში გარდაცვლილთა მაჩვენებელმა რეკორდულ ნიშნულს მიაღწია – გარდაცვლილია 54 ადამიანი, ხოლო ინფიცირებულთა რიცხვმა ასევე რეკორდი მოხსნა: 24 საათში 5.000-ზე მეტი ადამიანი დაინფიცირდა.

ამასთან, მხოლოდ აგვისტოში, 1-10 აგვისტოს მონაკვეთში, საქართველოში კორონავირუსს ემსხვერპლა 362 ადამიანი.
ნახეთ მონაცემები გარდაცვლილთა შესახებ, 1-დან 10 აგვისტომდე:

1 აგვისტო 33 ადამიანი
2 აგვისტო 23 ადამიანი
3 აგვისტო 34 ადამიანი
4 აგვისტო 38 ადამიანი
5 აგვისტო 38 ადამიანი
6 აგვისტო 30 ადამიანი
7 აგვისტო 38 ადამიანი
8 აგვისტო 30 ადამიანი
9 აგვისტო 44 ადამიანი
10 აგვისტო 54 ადამიანი.