საქართველოს პრეზიდენტმა სალომე ზურაბიშვილმა სცადა, ოლიმპიური ოქროს მედალი და მსოფლიო რეკორდის გაუმჯობესება მიელოცა საქართველოს ძალოსანთა ნაკრების წევრისთვის ლაშა ტალახაძისთვის.

თავდაპირველად სალომე ზურაბიშვილმა 18 სიტყვიანი სტატუსი გამოაქვეყნა, სადაც, პირველ ჯერზე, ოლიმპიური ჩემპიონი და მსოფლიო რეკორდსმენი მოიხსენია, როგორც “ლაშა თალაკვაძე”. შემდეგ მან სტატუსის რედაქტირება მოახდინა და “თალაკვაძე” “თალახაძედ” გადააკეთა, ხოლო საქართველოს ნაკრების შესახებ დაწერა, რომ ის “მე-23-ე ადგილზეა.

ბოლოს პრეზიდენტმა ზურაბიშვილმა სტატუსი საერთოდ წაშალა.

შეგახსენებთ, დღეს ლაშა ტალახაძემ ატაცსა და აკვრაში მსოფლიო რეკორდები გააუმჯობესა, ასევე ოლიმპიური ოქროს მედალიც მოიპოვა. მან ატაცში 223, აკვრაში კი 265 კგ სძლია, რაც ჯამში 488 კგ გახლავთ.