საქართველოს პრემიერმინისტრმა ირაკლი ღარიბაშვილმა ვაქცინაციის აუცილებლობაზე ისაუბრა და განაცხადა, რომ ვაქცინა გვიცავს, შესაბამისად, ყველამ უნდა იზრუნოს იმაზე, რომ ტემპი გაიზარდოს და სასურველ ნიშნულს მიაღწიოს. პრემიერის თქმით, თუ თითოოროლა შემთხვევას არ ჩავთვლით, მსოფლიოში არ დაფიქსირებულა ვაქცინირებული ადამიანების გარდაცვალების ფაქტი.
“დაინფიცირების შემთხვევაში სამწუხაროდ ძალიან მაღალი ალბათობაა, რომ ფატალურად დასრულდეს ესა თუ ის შემთხვევა. მით უმეტეს, ეს არის ძალიან ინდივიდუალური. ძალიან ბევრ ჯანმრთელ ადამიანს შეხვდა კორონავირუსი და სამწუხაროდ უბედურება დაემართა ბევრ ადმიანს ჩვენს გარშემო, მაგრამ ჩვენ თუ გადავხედავთ სტატისტიკას, ვაქცინირებული ადამიანის გარდაცვალება პრაქტიკულად არ დაფიქსირებულა, თუ არ ჩავთვლით მსოფლიოში ერთ-ორ შემთხვევას”, განაცხადა ირაკლი ღარიბაშვილმა.