ზუგდიდის მერიასთან დღეს ინგირის მცხოვრებლებმა აქცია გამართეს. ისინი ამ წუთებში მერიის შენობაში არიან შესული და პასუხიმგებელ პირებთან შეხვედრის მოლოდინში არიან.
სოფელ ინგირის სამი ქუჩის მცხოვრებლები ამბობენ, რომ მათ უბანს, სადაც 100-ზე მეტი ოჯახი ცხოვრობს წყალი არ მიეწოდება და სასმელის წყლის გარეშეა დარჩენილი.
ადგილზე შეკრებილი მოქალაქეების ინფორმაციით, ჭაბურღილი, რომელიც მათ წყლით ამარაგებდა, 2 წლის წინ ჩაშრა და პრობლემა მას შემდეგ მოუგვარებელია.