ექიმები ციტოკინურ შტორმზე, როგორც COVID-19-ის ერთ-ერთ უმძიმეს გართულებაზე და საქართველოს კლინიკებში შექმნილ მის დეფიციტზე ალაპარაკედნენ.როფორც ირკვევა, გართულებულ შემთხვევებში მის გარეშე სიცოცხლის გადარჩენა ვერ ხერხდება და ოჯახები იძულებული არიან თავად შეიძინონ იგი. არადა მისი ფასი 5000 ლარია.
ალერგოლოგ-იმუნოლოგი, ექიმი ბიძინა კულუმბეგოვი წერს, რომ პაციენტის გადასარჩენად კლინიკამ მის ოჯახს მიმართა მედიკამენტ ტოცილიზუმაბის შესაძენად
,,არ გექნებათ შესაძლებლობა მსგავსი ხარჯი გაიღოთ, მძიმე გამოსავალი “გარანტირებულია”. არ მიკვირს რატომ არის სიკვდილობა მყარად მაღალი. სახელმწიფომ უნდა გააკეთოს ყველაფერი ასეთი ადამიანების გადასარჩენად, დროა, ყველა ფუჭი ხარჯი (კონცერტები, პლაკატების ბეჭდვა…) გადამისამართდეს, რათა ადამიანების სიცოცხლე ვიხსნათ!”.- წერს ბიძინა კულუმბეგოვი.
ბიძინა კულუმბეგოვის პოსტს ჯანდაცვის მინისტრის პირველი მოადგილე თამარ გაბუნია გამოეხმაურა, მისი თქმით, კორონავირუსით ინფიცირებული პაციენტების სამკურნალოდ გამოყენებულ მედიკამენტებს სახელმწიფო პროგრამა სრულად აფინანსებს. ამიტომ მოუწოდებს კლინიკებს, ასეთ შემთხვევებში სამინისტროს მიმართონ.
სახელმწიფო პროგრამის ფარგლებში ნამდვილად არ არსებობს მიზეზი იმისთვის, რომ ასეთი ტიპის დავალება მივცეთ პაციენტის ოჯახს და მან მოიტანოს ეს წამალი. კლინიკებს მინდა მოვუწოდო, რომ ტოცილიზუმაბთან თუ რაიმე შეკითხვები ექნებათ, ჯერ ჩვენ დაგვიკავშირდნენ, ვიდრე პაციენტს სთხოვენ მედიკამენტის მოტანას აფთიაქიდან”. –თქვა თამარ გაბუნიამ.