თბილისში მიმდინარე აქციის პარალელურად საპროტესტო აქცია გამართეს ზუგდიდში, სამეგრელოს მედიის წარმომადგენლებმა. #ლექsosთვის აქციის მონაწილეების მოთხოვნა უცვლელია, ისინი ყველა იმ პირის უმკაცრესად დასჯას ითხოვენ, ვინც 5 ივლისის მოვლენებში მონაწილეობდა და მედიას სასტიკად გაუსწორდა, ასევე ჟურნალისტების თქმით, მომხდრაზე პასუხისმგებლობა უნდა აიღოს ყველა იმ სტრუქტურამ თუ პოლიტიკურმა პირმა, ვინც ძალადობა წაახალისა და მას ხელი არ შეუშალა.
გადადგეს პრემიერი და დაისაჯონ მოძალადეები!- ამ მოთხოვნით რუსთაველის გამზირზე დღეს მედიის წარმომადგენლები ისევ შეიკრიბნენ. ჟურნალისტების მთავარი მოთხოვნაა ქართულმა ოცნებამ აიღოს პასუხისმგებლობა 5 ივლისის მოვლენებზე, გადადგეს ირაკლი ღარიბაშვილი და ვახტანგ გომელაური და ასევე დაისაჯონ ჩვენი კოლეგის ლექსო ლაშქარავას მკვლელები.