74 წლის მარტოხელა დევნილი ლიანა კუპრავა წლებია საცხოვრებელი ფართით დაკმაყოფილებას უშედეგოდ ითხოვს. 12 კვადრატული მეტრის 2 ოთახში, რომელსაც დევნილი ქალი ქირაობს, კედლები გაბზარულია, არ არის ჰიგიენისთვის აუცილებელი პირობა – წყალი. მარტოხელა ქალის ყოველთვიური შემოსავალი 335 ლარია, რაც მინიმალური საარსებო ხარჯებისთვისაც არ ყოფნის. ლიანა კუპრავა ამბობს, რომ ბინების განაწილების პროცესში კორუფციის ნიშნები იკვეთება და ბინები არასამართლიანად გაიცემა.ლიანა კუპრავას თქმით, ის კომისიის წევრებსაც შეხვდა და ადგილობრივ დევნილთა სამმართველოსაც, სადაც მისი თქმით, უთხრეს, რომ 2022 წლამდე კომისია მის სააქმეს ვერ შეისწავლის და ბინითაც ვერ დაკმაყოფილდება..„ოდიში“ აჭარისა და სამეგრელო- ზემო სვანეთის დევნილთა სამმართველოს დაუკავშირდა. სამსახურის უფროსმა გელა ნაჭყებიამ განაცხადა, რომ კომისია ამ ეტაპზე მხოლოდ 6 ქულიანი ოჯახების კვლევას აკეთებს, ამ კრიტერიუმს კი ლიანა კუპრავა ვერ აკმაყოფილებს, შესაბამისად ნაჭყებიას თქმით, ის ამ ეტაპზე ბინას ვერ მიიღებს.