თურქეთში ჩარჩენილი 19 ქართველი სტუდენტი დახმარებას ითხოვს. ისინი გერმანიაში თურქიშის ავიახაზებით უნდა გაფრენილიყვნენ, თუმცა დილის 9 საათიდან გოგჩენის აეროპორტში იმყოფებიან.გაფრენამდე 20 წუთით ადრე ამათ ეროპორტში უთხრეს,რომ ვინაიდან მ არ ჰქონდათ ვიზა, გერმანიაში ვერ წავიდოდნენ.
სტუდენტები ამტკიცებენ, რომ ყველანაირი დოკუმენტაცია მათ შორის, კონკრეტული კომპანიების სამუშაო მოწვევაც აქვთ. მათი თქმით, აეროპორტში უხეშად და აგრესიულად ექცევიან და ეუბნებიან, რომ საკუთარ ქვეყანაში დაბრუნდნენ.
“პრობლემა წარმოქმნა თურქიშ ერლაინმა, ფრენამდე დავდექით საკითხის წინაშე, რომ თურმე ჩვენ ვერ გადავალთ იმიტომ, რომ არ გვაქვს ვიზა. არადა ჩვენ ვართ 19 სტუდენტი, მივდიოდით გერმანიაში საზაფხულო სამუშაოზე, გვაქვს ყველა საბუთი. ბილეთები გაგვიუქმეს, ტრანსფერზე დაგვიქენსელეს, ვსხედვართ ასე გამოკიდებულები, არც თანხა დაგვიბრუნეს”, – ამბობენ ს სტუდენტები
დახმარების თხოვნით მათ საქართველოს საელჩოსაც მიმართეს, თუცა ამ დრომდე პასუხი არ მიუღიათ.