თბილისში პოლონელი ტურისტის დაჭრაში ბრალდებულ გიორგი ხმალაძეს პატიმრობა შეეფარდა.სასამართლომ გადაწყვეტილება ცოტა ხნის წინ მიიღო. გიორგი ხმალაძეს ბრალდება საქართველოს სისხლის სამართლის კოდექსის 19,109-ე მუხლის მეორე ნაწილის “გ” ქვეპუნქტით აქვს წარდგენილი, აღნიშნული დანაშაული სასჯელის სახედ და ზომად 13 წლიდან 17 წლამდე თავისუფლების აღკვეთას ითვალისწინებს.
შემთხვევა 5 ივლისს მოხდა.შინაგან საქმეთა სამინისტროს ინფორმაციით, დაკავებული სრულიად უმიზეზოდ თავს დაესხა პოლონელ ტურისტს და სიცოცხლისთვის სახიფათო დაზიანებები მიაყენა, ჩატარებული გამოძიებით დადგენილია, რომ ბრალდებულ გ.ხ.-ს აქვს ფსიქიკური ჯანმრთელობის პრობლემა. შესაბამისად, მისი შერაცხადობის დადგენის მიზნით გამოძიების მიმდინარეობისას დაინიშნება ფსიქიატრიული ექსპერტიზა
დაჭრილი ტურისტის მკურნალობასლადაშვილის კლინიკაში აგრძელებს. ექიმის განცხადებით, მდგომარეობა სტაბილურია და ოპერაციების შემდეგ მის სიცოცხლეს საფრთხე არ ემუქრება.