ყოფილი პრემიერ-მინისტრი ბოლო ორი დღის განმავლობაში განვითარებულ მოვლენებს ზუგდიდიდან გამოეხმაურა და თქვა, რომ სახელმწიფო ჩამოშლილია.
მისი თქმით, “ქართული ოცნების პოლიტიკური ბოსები” გადაბრალების რეჟიმში არიან. ხელისუფლება კი ჩამოშლილია.
პარტია ,,საქართველოსთვის” ლიდერი ამბობს, რომ ხელისუფლებამ მოქალაქეები ვერ დაიცვა და უუნარობა გამოავლინა.
“ეს იყო უუნარობის პიკი”- აღნიშნავს პრემიერი.:
„ეს იყო , ჩათვალეთ პოლიტიკური მოვლენა, უმძიმესი საყურებელი, როდესაც ჩამოშლილი სახელმწიფო დავინახეთ. როდესაც სახელმწიფო ვერ იცავდა ვერც კონსტიტუციას, სახელმწიფომ ვერ დაიცვა ფიზიკური ძალადობისგან თავისი მოქალაქეები, სახელმწიფომ ვერ დაიცვა მასობრივი დევნისგან ჟურნალისტები, სახელმწიფომ ვერ დაიცვა ტურისტები, ეს იყო უუნარობის გამოხატულება, არაკომპეტენტურობის რაღაც პიკი. ადამიანებს ასე ესმით სახელმწიფო თურმე რომ, სახელმწიფომ თუ გამაფრთხილა მე რისკების შესახებ, ჩემს ფიზიკურ უსაფრთხოებაზე და კონსტიტუციური წესრიგის გამყარებაზე და შენარჩუნებაზე ქვეყანაში, თურე სხვები არიან პასუხისმგებლები – ეს უკვე უსუსურობაა. მმართველი ძალის დღევანდელი ბოსები ამას ყველაფერს აბრალებენ ყველას, აბსოლიტურად ყველას – მოქალაქეებს, ეკლესიას, ევროპას, როცა აწყობთ მემარჯვენეებს, როცა აწყობთ მემარცხენეებს, მაგრამ საერთოდ არაფრსარ ამბობენ თავიანთ პასუხისმგებლობაზე, ეს კიდევ უფრო უპასუხისმგებლობაა. ამ ადამიანებს უბრალოდ სახელმწიფოს ფუნქცია რა არის გააზრებული არ აქვთ და სახიფათოა, სახელმწიფომ ფაქტობრივად ყველაფერი გააკეთა იმისთვის, რომ მე თქვენ გაგაფრთილეთო და ახლა გვერდზე გავდგები და თქვენ, მოქალაქეებმა ერთმანეთში გაარკვიეთო ურთიერთობა. ეს იყო უკიდურესად უპასუხისმგებლო ქმედება. ძალადობა შობს მხოლოდ ძალადობას – ეს ყველაფეეი ჩვენ ამ ბოო ორი დღის განმავლობაში ვნახეთ. არაკომპეტენტურობის გარდა ეს ყველაფერი არის სახელმწიფოსთვის პირდაპირ მიყენებული ზიანი, ფაქტობრივად სახელწიფოს ჩამოშლაა.“- განაცხადა გიორგი გახარიამ.