გუშინ, ღამის გაბმავლობაში წვიმის სახით მოსულმა უხვმა ნალექმა პრობლემები შექმნა ზღვისპირა დაბა ანაკლიაში: წვიმამ ზღვაზე შტორმი გამოიწვია, რაც 4,5 ბალს უთანაბრდებოდა. შტორმის შედეგად ზღვამ დატბორა სანაპირო ზოლის დაახლოებით 50 მეტრიანი მონაკვეთი.
ზღვის ღელვის საშიში დონე შენარჩუნდა დღის განმავლობაშიც, ამ დროისთვის შტორმი დაახლოებით 3 ბალამდე მერყეობს. წვიმის, ელვისა და ჭექა-ქუხილის გამო ანაკლიას ამ დრომდე არ მიეწოდება ელ.ენერგია, სანაპიროზე არსებულ სასტუმროებს კი ასევე, წყალი.
ზღვის სანაპიროზე მორიგეობენ მაშველები, რომლებიც დამსვენებლებს მოუწოდებენ, დროებით თავი შეიკავონ ბანაობისგან.