ზუგდიდისა და წალენჯიხის მუნიციპალიტეტებში ძლიერმა წვიმამ და ქარმა სიმინდისა და თხილის პლანტაციები გაანადგურა.
ქარმა წააქცია ხეები, დააზიანა ელექტროგადამცემი ბოძები და სახლებს სახურავი გადახადა.
გვიან ღამით შესაბამისმა სამსახურებმა შენობები დროებითი გადახურვით უზრუნველყვეს, მოგვიანებით ადგილობრივი ხელისუფლების დახმარებით მოხდება მათი საფუძვლიანი შეკეთება.
მოსახლეობას დენი არ მიეწოდება.
სტიქიის ზონაში მაშველები მუშაობენ.