„სინოფარმისა“ და „სინოვაკის“ ვაქცინების მილიონი დოზა უკვე საქართველოშია და 5 ივლისიდან მასობრივი ვაქცინაცია იწყება. როგორც ამირან გამყრელიძე აცხადებს, “სინოფარმით” ვაქცინაციის მსურველთათვის რეგისტრაცია 3 ივლისიდან იწყება, ამას კი მალევე მოჰყვება “სინოვაკზე” რეგისტრაცია. ~
“კვირას, დღის მეორე ნახევარში, დღის ბოლომდე ყველა ამცრელი დაწესებულება მზად იქნება, რომ დაიწყოს აცრები.
ვიწყებთ „სინოფარმით“. 3 ივლისს გაიხსნება რეგისტრაცია „სინოფარმზე“. მომავალი ორი კვირის განმავლობაში დავაკვირდებით როგორი იქნება მოქალაქეთა აქტივობა ჯავშნებთან დაკავშირებით”, – აცხადებს ამირან გამყრელიძე.