როგორც “როიტერი” იტყობინება, რუსეთში კორონავირუსის ინდური შტამით ინფიცირების მაჩვენებელი საგანგაშო მასშტაბებს აღწევს, გარდაცვლილთა რაოდენობა კი ასევე საგანგაშოდ მატულობს.
ბოლო 24 საათის განმავლობაში ვირუსს რუსეთში 679 ადამიანი ემსხვერპლა – ეს პანდემიის დაწყებიდან ყველაზე მაღალი დღიური მაჩვენებელია. ამასთან, გამოვლინდა 23218 ახალი შემთხვევა, საიდანაც 6893 ინფიცირებული მოსკოვზე მოდის. აღსანიშნავია, რომ რუსეთის დედაქალაქში დღითიდღე მატულობს კოვიდკლინიკების საჭიროებაც.