ჟურნალისტ ზურა ბაუჟაძის მიერ “ფეისბუქზე” გამოქვეყნებული ფოტო სოციალურ ქსელში განხილვის საგნად მალევე იქცა.
“ჩვენთან ასფალტი დააგეს”, – წერს ჟურნალისტი და ფოტოს აქვეყნებს, რომელსაც მალევე მოჰყვა კომენტარები:
“ეს ავტონომიად დატოვეს?”, – წერს ცარიელ ადგილზე ერთერთი მომხმარებელი.
“სულ ასკინკილით გევლოთ”, – უსურვებს სხვა იუზერი.
“წელში გამოყვანილი რატომაა?”, – კითხულობს ჟურნალისტის ერთერთი მეგობარი.
ეს პირველი შემთხვევა არაა, როცა საქართველოს სხვადასხვა რეგიონში გზის საფარი უხარისხოდ იგება. როგორც წესი, გზის სავალი ნაწილი, წინანდელთან შედარებით, ვიწროვდება, რაც, თავის მხრივ, გზის მოწესრიგებისთვის გამოყოფილი საბიუჯეტო სახსრების ე.წ. “მოტეხვის” საშუალებას იძლევა.
ამ ხერხს, უმრავლეს შემთხვევაში, ტენდერში გამარჯვებული კომპანიები, ადგილობრივ ხელისუფლებასთან შეთანხმებით იყენებენ.
