რუსთაველის თეატრის სამხატვრო ხელმძღვანელი, რეჟისორი რობერტ სტურუა მოსკოვში გაემგზავრა. ჟურნალისტებთან საუბარში მან თქვა, რომ წინასწარ მიფრინავს რუსეთის დედაქალაქში, რათა შეამოწმოს, როგორ მდგომარეობაშია სცენა, ხოლო მსახიობები 27 ივნისს ჩაფრინდებიან.
მისივე თქმით, მისთვის გაუგებარია ის აჟიოტაჟი, რასაც იწვევს რუსთაველის თეატრის გამგზავრება ფესტივალზე მონაწილეობის მისაღებად, მაშინ როცა რუსეთიდან საქართველოში ჩამოსულ თეატრებს “ტაშით ხვდებიან”.
“რატომ გაქვთ ჩვენზე ასეთი აღგზნება მაშინ, როცა როცა რუსული თეატრები ჩამოდიან, მათ ტაშით ხვდებით. ხელოვნებას საზღვარი არა აქვს და მე მივდივარ ხელოვნების საჩვენებლად, რათა ვაჩვენო, რას აკეთებს საქართველო მაშინაც კი, როცა რუსეთმა ქვეყანა ასეთ სავალალო მდგომარეობაში ჩააყენა”, – განაცხადა რეჟისორმა მოსკოვში გამგზავრების წინ.