დანიის ნაკრებმა რუსეთის ნაკრები გამანადგურებელი ანგარიშით 4:1 დაამარცხა და პლეი-ოფის გარეშე დატოვა. B ჯგუფში უკვე ყველაფერი გარკვეულია – რუსეთის ნაკრები ბოლო ადგილზეა. მართალია, ამ ჯგუფში რუსეთმა და ფინეთმა 3-3 ქულა დააგროვეს, მაგრამ ბურთების შეფარდების მიხედვით (რომელიც რუსებისთვის კოშმარულია), მესამე ადგილზე ფინეთი გავიდა. მესამეადგილოსნები ჯერ კიდევ ინარჩუნებენ პლეიოფში მოხვედრის შანსს.
ამ ჯგუფში უპირობო ლიდერი ბელგიაა, რომელმაც სამივე შეხვედრა მოიგო. გუშინდელი გამარჯვების შემდეგ, ბურთების უკეთესი შეფარდებით, დანიის ნაკრები მეორე ადგილზეა.