ცხინვალის ციხეში მყოფი ზაზა გახელაძის მხარდასაჭერად, რომელსაც 11 წლით თავისუფლების აღკვეთა უკანონოდ მიუსაჯა ცხინვალის მარიონეტულმა სასამართლომ, მის მშობლიურ სოფელში აქცია იგეგმება. – ინფორმაციას ანტიოკუპაციური მოძრაობის ლიდერი დავით ქაცარავა ავრცელებს.
მისი თქმით, ხელისუფლება არაფერს აკეთებს ზაზა გახელაძის დასახსნელად, ამიტომ სამოქალაქო აქტივობა აუცილებელია. დავით ქაცარავას თქმით, გახელაძის მშობლიურ სოფელში დაწყებული აქცია ავტობანის მიმართულებით გადაინაცვლებს. აქცია 23 ივნისაა დაგეგმილი, თუმცა, ჯერჯერობით უცნობია, იგეგმება თუ არა ავტობანის გადაკეტვა.
შეგახსენებთ, ზაზა გახელაძე 2020 წლის 11 ივლისს, საოკუპაციო ზოლიდან მოშორებით, ქართული მხარის მიერ კონტროლირებადი ტერიტორიიდან, სხვილოს ციხესთან ახლოს, რუსმა ოკუპანტებმა ჯერ ფეხში დაჭრეს, შემდეგ კი გაიტაცეს, მოგვიანებით კი დე ფაქტო ცხინვალის რეჟიმმა განცხადება გაავრცელა, სადაც გახელაძე ოკუპანტთა პატრულის მიმართულებით ცეცხლის გახსნაში დაადანაშაულა.