სახალხო დამცველსა და მეუფე იაკობს შორის შეხვედრა დასრულდა. ნინო ლომჯარიას თქმით, მომდევნო კვირაში ის და მეუფე იაკობი ნინოწმინდის ბავშვთა პანსიონში ერთობლივად ჩავლენ.
ასევე ლომჯარიას თქმით, დღევანდელ შეხვედრაზე ის და მეუფე იაკობი შეთანხმდნენ, რომ სოციალური მუშაკები პანსიონში დარჩენილი ბავშვების საჭიროებებს შეაფასებენ და ყველაფერი მათი ინტერესების გათვალისწინებით მოხდება.
“ეს იყო ძალიან კონსტრუქციული შეხვედრა, ძალიან პოზიტიურად იყო მეუფე იაკობი სახალხო დამცველის ინსტიტუტის მიმართ. შევთანხმდით იმაზე, რომ სოციალური მუშაკები გააგრძელებენ დარჩენილი ბავშვების საჭიროების შეფასებას და შესაბამისად, როგორც ბავშვების საუკეთესო ინტერესებისთვის არის საჭირო ისე განვითარდება მოვლენები.
რაც შეეხება ჩვენს ერთობლივ გეგმებს, ვაპირებთ, რომ შემდეგ კვირაში ერთობლივად ჩავიდეთ პანსიონში”,- თქვა ნინო ლომჯარიამ.
14 ივნისს ცნობილი გახდა, რომ პატრიარქის გადაწყვეტილებით, ნინოწმინდის პანსიონს მეუფე იაკობი უხელმძღვანელებს.