ე.წ. “ციანიდის საქმეში” ბრალდებული და დაკავებული დეკანოზის გიორგი მამალაძის სარჩელი ევროსასმართლომ განსახილველქად მიიღო, – ინფორმაციას დეკანოზის ნათესავი, თორნიკე მამალაძე ავრცელებს.
“ევროპულმა სასამართლომ ჩემი ძმის სარჩელი დააკმაყოფილა და განხილვაში მიიღო. დაწყებულია კომუნიკაცია. იმედი მაქვს, აქ მაინც იზეიმებს სამართალი!”, – წერს თორნიკე მამალაძე.
შეგახსენებთ, მკვლელობის ორგანიზების ბრალდებით გიორგი მამალაძე 2017 წლის 10 თებერვალს დააკავეს. ის სასამართლომ შურისძიების მოტივით, ციანიდის გამოყენებით, შორენა თეთრუაშვილის მკვლელობის მომზადებაში სცნო დამნაშავედ და ცხრაწლიანი პატიმრობა მიუსაჯა.