ენერგოგამანაწილებელი კომპანიების თანახმად, შეფერხების მიზეზი ლოკალური ხარვეზები არ არის და სავარაუდოდ, სისტემური პრობლემაა.თბილისსა და საქართველოს უმეტეს რეგიონში ელექტროენერეგიის გათიშვის მიზეზთან დაკავშირებით განცხადებას “სახელმწიფო ელექტროსისტემა” ავრცელებს.
უწყების ინფორმაციით, დღეს, 14 ივნისს, 14 საათზე, ავარიულად გამოირთო 500 კვ-იანი ელექტროგადამცემი ხაზი “იმერეთი” და ჰიდროელექტროსადგური “ენგურჰესი”, რის გამოც ელექტროენერგიის მიწოდება შეეზღუდა საქართველოს მოსახლეობის უმეტეს ნაწილს.
მიმდინარეობს ავარიის ლიკვიდაციის სამუშაოები.
“საქართველოს სახელმწიფო ელექტროსისტემა” ბოდიშს უხდის მომხმარებელს აღნიშნული შეფერხების გამო.
„ენგურჰესზე“ მომხდარი ავარიის შესახებ იუწყება აფხაზეთის დე ფაქტო რესპუბლიკის ენერგოკომპანია „ჩერნომორენერგო“.
მათი ინფორმაციით,ჰესის გენერატორების ავარიულად გამორთვის გამო, ელექტროენერგიის გარეშე დარჩნენ გალის, ოჩამჩირის და გულრიფშის რაიონები, ასევე სოხუმის და გაგრის რაიონების ნაწილი.