გაეროს მოსახლეობის ფონდის (UNFPA) საქართველოს ოფისისა და ლიბერთი ბანკის ორგანიზებით ქუთაისის 60+ კლუბმა უმასპინძლა შეხვედრას [Video]

0
20

10 ივნისს ქუთაისის 60+ კლუბი უმასპინძლებს შეხვედრას, რომლის ფარგლებშიც კლუბის წევრები მათთვის მნიშვნელოვან საკითხებზე მიიღებენ ინფორმაციას. შეხვედრის ორგანიზატორები არიან გაეროს მოსახლეობის ფონდის (UNFPA) საქართველოს ოფისი და ლიბერთი ბანკი. ღონისძიებას გახსნიან UNFPA-ს საქართველოს ოფისის ხელმძღვანელი ლელა ბაქრაძე, ქუთაისის მერი იოსებ ხახალეიშვილი, მერის მოადგილე ირაკლი ქარქაშაძე და ლიბერთი ბანკის იმერეთის რეგიონული დირექტორი ეკა ბოჭორიშვილი.
60+ კლუბის წევრებთან, თემაზე „ჯანმრთელობის ხელშეწყობა 60+ ასაკში“ ისაუბრებს ლელა სტურუა, დაავადებათა კონტროლისა და საზოგადოებრივი ჯანმრთელობის ეროვნული ცენტრის (NCDC) არაგადამდებ დაავადებათა განყოფილების უფროსი. ხოლო პრეზენტაციას საპენსიო ასაკის მომხმარებელთა უფლებების შესახებ წარმოადგენს ნანა კოტეტიშვილი, ლიბერთი ბანკის ინციდენტების მართვის და მომხმარებელთა უფლებების დაცვის განყოფილების უფროსი.
„60+ კლუბები“ გაეროს მოსახლეობის ფონდის (UNFPA) საქართველოს ოფისის ინიციატივაა, რომელიც აქტიური დაბერების პოლიტიკის განხორციელებას და ხანდაზმულთა ცხოვრების ხარისხის გაუმჯობესებას უწყობს ხელს. ეს არის წევრობაზე დაფუძნებული კლუბი, უფროსი თაობის სოციალიზაციის სივრცე, რომელიც აქტიური და ჯანსაღი ცხოვრების ხელშეწყობისთვის, ჰარმონიული და მრავალფეროვანი გარემოს შექმნას ისახავს მიზნად. ლიბერთი ბანკი 2020 წლიდან არის 60+ კლუბების აქტიური მხარდამჭერი.

წინა სტატიასახელმწიფო რწმუნებულის ადმინისტრაციის თანამშრომლები ლაშა გვასალია და გრიგოლ დაკარგულია სამსახური აღადგინეს
შემდეგი სტატია11 ივნისის მონაცემებით, საქართველოში გარდაიცვალა 16 კოვიდინფიცირებული ადამიანი
ტელეკომპანია ოდიშის საინფორმაციო სამსახური