საგარეო საქმეთა სამინისტროს ინფორმაციით, ევროკავშირში საქართველოს წარმომადგენლად და ბელგიასა და ლუქსემბურგში საქართველოს საგანგებო და სრულუფლებიან ელჩად ვახტანგ მახარობლიშვილი დაინიშნა.
ამ თანამდებობას მანამდე იკავებდა ნატალია საბანაძე რომელმაც პოსტი 21 მარტს დატოვა და “ქართული ოცნების” ხელისუფლება დემოკრატიული კურსის გადახვევასა და ქვეყნის არასწორი მიმართულებით განვითარებაში დაადანაშაულა.
,,ჩვენი ხელისუფლება აცხადებს, რომ პროევროპელია, მაგრამ ამის თქმა არ არის საკმარისი. პროევროპელი უნდა იყო” – განაცხადა ნატალია საბანაძემ.
ამ ღია და საჯარო მხილების შემდეგ “ქართული ოცნება” ერთი მხრივ ელჩსა და მმართველ გუნდს შორის დაპრიპირების უარყოფას ცდილობდა და თან დიპლომატს თავს ესხმოდა, აკრიტიკებდა ,,პოლიტიკური დემარშისა და არადიპლომატიურად ხისტი განცხადებისთვის”
ამასთან მმართველი გუნდის ოპონენტები ამბობდნენ, რომ საბანაძის გადაწყვეტილების მთავარი მიზეზი “ოცნების” რეალური მიზნებია, რომელიც დემოკრატიული ხელისუფლების იმიჯის მორგებას ცდილობს.
