შუქრუთელებმა მშრალი შიმშილობა შეწყვიტეს და სითხის მიღება დაიწყეს.ეს შედეგი მოყვა გუშინ, 7 ივნისს გამართულ მოლაპარაკებებს პროტესტის მონაწილეებსა და კომპანია „ჯორჯიან მანგანეზს“ შორის.
„მოლაპარაკებები კიდევ გაგრძელდება, იმედიანად ვართ“, – ამბობს შუქრუთელების პროტესტის ერთ-ერთი ლიდერი გიორგი ნეფარიძე.
შუქრუთის მცხოვრებლები, რომლებიც 29 დღეა შიმშილობენ , ამერიკის საელჩოს წინ რჩებიან და მოითხოვენ მათი საცხოვრებელი სახლებისთვის მიყენებული ზარალის გამჭვირვალე შეფასებას სამხარაულის ბიუროს მიერ, რათა სოფლიდან გასახლებისთვის კომპენსაცია მიიღონ.