ჯანდაცვის მინისტრის მოადგილის, თამარ გაბუნიას განცხადებით, Pfizer-ით და იმ ვაქცინებით, რაც ქვეყანაში მომავალში შემოვა აცრას 18 წლის ზევით ყველა მოქალაქე შეძლებს. ამ თემაზე მან საკოორდინაციო საბჭოს დასრულების შემდეგ ისაუბრა.
“ვაქცინაციის პროგრამა ღიაა 18 წლის ზევით ყველა მოქალაქისთვის და ეს ესევე დარჩება, მიუხედავად იმისა თუ რა ტიპის ვაქცინა შემოვა ქვეყანაში. მიუხედავად იმისა რა ტიპის ვაქცინა შემოვა ქვეყანაში, იქნება ეს “ფაიზერი” “ნოვოვაქსი” თუ ნებისმიერი სხვა ვაქცინა. ანუ 18 წლის ზემოთ მოქალაქეების ჩართვის შესაძლებლობა პროგრამაში შენარჩუნდება, რაც შეეხება შეზღუდვას, ის შეეხება ამ შემთხვევაში “ასტრაზენეკას”, რომელიც 55 წლის ზემოთ არის მხოლოდ რეკომენდირებული, რაც ჯერ ჯერობით ესე დარჩება”, – თქვა თამარ გაბუნიამ.
მისივე განცხადებით, Pfizer-თან მოლაპარაკებების მეორე ეტაპზე მუშაობენ და მოკლე ხანში ზუსტი ვადები გახდება ცნობილი.