დაუზუსტებელი ნარკოტიკული საშუალების ინტოქსიკაციით, ზუგდიდის რეფერალურ ჰოსპიტალში შეყვანილი 8 პაციენტიდან კლინიკაში ოთხი რჩება. მათგან ორი პაციენტის მდგომარეობა მძიმეა. მომხდარზე დაწყებულია გამოძიება.
“სულ შემოყვანილი იქნა 8 ახალგაზრდა მამაკაცი, რომელთაც გადაუდებელი მედიცინის განყოფილებაში დაესვათ დიაგნოზი: დაუზუსტებელი სუბსტანციების ტოქსიური ეფექტი. 8-დან 4-ის მდგომარეობა იყო შედარებით მძიმე და ისინი მოთავსდნენ კრიტიკული მედიცინის განყოფილებაში, ხოლო დანარჩები 4 ის მდგომარეობა გაუმჯობესდა და ამ დილით გაეწერნენ ბინაზე. რეანიმაციაში მყოფი 4 პაციენტიდან 2 იმყოფება მართვით სუნთქვაზე,” – განაცხადა ზუგდიდის რეფერალური ჰოსპიტლის კლინიკურმა დირექტორმა სულხან ორჟონიამ.
შეგახსენებთ, რომ ახალგაზრდები, რომელთა ასაკი 20-დან 32 წლამდეა, დაუზუსტებელი ნარკოტიკული საშუალების ინტოქსიკაციით, ზუგდიდის რეფერალურ ჰოსპიტალში გუშინ მოათავსეს