რუსთავი-2-ის ეთერში, “ღამის კურიერის” მსვლელობისას, ექიმმა-ოფთალმოლოგმა ზურაბ ომიაძემ განაცხადა, რომ დაზუსტებით თქმა ძნელია, მაგრამ შესაძლოა, პირბადის ტარება კიდევ ორ წელიწადს დაგვჭირდეს.
“არ უნდა დაგვავიწყდეს რეგულაციები, ხელები აუცილებლად ხშირად უნდა დავიბანოთ, გავაგრძელოთ, სულ მცირე, 2 წელი პირბადის ტარება. სამწუხაროდ, ჩემი აზრით, ეს ამდენ ხანს გაგრძელდება, თუმცა, შეიძლება ვცდებოდე. რაც შეიძლება მეტმა ადამიანმა უნდა გაიკეთოს ვაქცინა და, იმედია, მალე კორონავირუსის საწინააღმდეგო ფარმაკოლოგიური პრეპარატიც გამოვა მსოფლიო ბაზარზე”, – თქვა ეთერში რეზო ომიაძემ.