კოკა კოლა ბოთლერზ ჯორჯია არ აწარმოებს არანაირ ვიქტორინას და ვირუსული ინფორმაცია სახელწოდებით “კოკა-კოლას კეთილდღეობის ფონდი” ყალბია, ამასთან, კიბერდანაშაულის გამო კომპანიამ შსს-ს უკვე მიმართა – ამის შესახებ კომპანიის საგანგებო განცხადებაშია აღნიშნული.
შეგახსენებთ, რომ ვირუსულ, ყალბ ინფორმაციასთან ერთად, “ფეისბუქის” ცალკეულ ჯგუფებში ვრცელდება ბმულიც, სადაც დაკლიკებით თითქოსდა 2.000 ლარის მფლობელი ხდები, რაც სინამდვილეს არ შეესაბამება და მეტიც, ეს ვირუსული ინფორმაცია მიზნად ისახავს თქვენი პირადი ინფორმაციის უკანონოდ მოპოვებას, – ნათქვამია განცხადებაში, რომელსაც უცვლელად გთავაზობთ:
“მოგახსნებთ რომ აღნიშნული ვებ გვერდი გახლავთ თაღლითური სქემა რადგან მოიძიონ თქვენი პირადი ინფორმაცია. კომპანია კოკა კოლა არ აწარმოებს არანაირი სახის ვიქტორინას და გათამაშებას. გთხოვთ ყურადღებით მოეკიდოთ აღნიშნულ საკითხს. ინფორმაცია კიბერ დანაშაულის შესახებ მიწოდებუია შინაგან საქმეთ სამინისტროს კიბერ დანაშაულის დეპარტამენტისათვის და აღნიშნულ ფაქტზე დაიწყო გამოძიება”, – ნათქვამია განცხადებაში.